-
„კითხვა მინდა დავუსვა ქვეყნის პრემიერ– მინისტრს, ირაკლი კობახიძეს – სად მიდის თითოეული ლიტრი ბენზინიდან 1.50 თეთრი?! სად მიდის ეს ფული?!“ – ამ კითხვით მძღოლებთან შეხვედრის შემდეგ მიმართა „სტრატეგია აღმაშენებლის“ თავმჯდომარემ გიორგი ვაშაძემ ქვეყნის პრემიერ–მინისტრს ირაკლი კობახიძეს.
ვერდიქტი: ნახევრად სიმართლე
„სტრატეგია აღმაშენებლის“ თავმჯდომარე გიორგი ვაშაძემ მძღოლებთან შეხვედრის შემდეგ განმარტა, რომ საწვავის ფასი საზღვრამდე 1.65 ლარია, ხოლო შიგნით თითქმის ორმაგდება. მან კითხვით მიმართა ირაკლი კობახიძეს თუ სად მიდის ლიტრი ბენზინიდან 1.50 ლარი?!
აღნიშნული სტატია ტელეკომპანია ტვპირველის ოფიციალურ ვებ-გვერდზე გამოქვეყნდა.
არასამთავრობო ორგანიზაცია ფაქტმონიტორმა გიორგი ვაშაძის განცხადება ბენზინის ფასებთან დაკავშირებით სხვადახვა წყაროებზე გადაამოწმა.
ასე მაგალითად, ნავთობპროდუქტების იმპორტიორთა კავშირის ოფიციალურ ვებ-გვერდზე oilnews.ge 2024 წლის 06 თებერვალს გამოქვეყნებული სტატიის მიხედვით, 2024 წლის 5 თებერვლის ვაჭრობის შედეგებით მსოფლიოს წამყვან ლონდონისა და ნიუ–იორკის სანავთობო ბირჟებზე ნავთობის ფასი გაიზარდა.
კერძოდ, ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა 77.99 (+ 0.66) დოლარი/ბარელზე.
ნიუ–იორკში York Mercantile Exchange-ზე (NYMEX) – Light Sweet ტიპის ნავთობის ფასმა შეადგინა 72.78 (+ 0.50) დოლარი/ბარელზე.
პრაისჰაბის ვებ-გვერდის მიხედვით, დღეის მდგომარეობით საწვავის (რეგულარის) ფასები დღეს საქართველოში 2.64 ლარიდან იწყება. წყარო
ასევე, გთხოვთ, იხილოთ ბიზნეს მედიისა და ფორბს საქართველოს ოფიციალურ ვებ-გვერდებზე განთავსებული სტატიები საქართველოში საწვავის მდგომარეობისა და ფასის დაანგარიშების შესახებ.
გლობალპეტროლპრაისის ოფიციალური საიტის მიხედვით, (globalpetrolprices.com) დღეის მდგომარეობით საქართველოსა და მის მეზობელ ქვეყნებში ერთი ლიტრი საწვავის ფასი ასე გამოიყურება:
1 ლიტრი საწვავის ფასი საქართველოში – 1.08 ევროს შეადგენს, რაც ლარებში დაახლოებით 3.17 ლარს შეადგენს (1.08×2.94).
1 ლიტრი საწვავის ფასი აზერბაიჯანში – 0.53 ევროს შეადგენს, რაც ლარებში დაახლოებით 1.55 ლარს შეადგენს (0.53×2.94).
1 ლიტრი საწვავის ფასი სომხეთში – 1.21 ევროს შეადგენს, რაც ლარებში დაახლოებით 3.55 ლარს შეადგენს (1.21×2.94).
1 ლიტრი საწვავის ფასი თურქეთში – 1.15 ევროს შეადგენს, რაც ლარებში დაახლოებით 3.38 ლარს შეადგენს (1.15×2.94).
თითქმის იდენტურ მონაცემებს ასახავს და საწვავის ფასის გაძვირებაზე საუბრობს ნავთობპროდუქტების იმპორტიორთა კავშირის ოფიციალურ ვებ-გვერდზე 2024 წლის 01 მარტს გამოქვეყნებული ქვეყნების მიხედვით დაანგარიშებული საწვავის ფასები.
საქართველოში საწვავის ფასი იბეგრება დამატებითი ღირებულების გადასახადით, რაც შეადგენს 18%-ს და აქციზის გადასახადით, რაც ერთ მეტრულ ტონა ბენზოლზე 400 ლარს შეადგენს.
ფაქტმონიტორის დასკვნით, საქართველოში ბენზინის ფასი იმატებს, მასზე დამატებული სახელმწიფო გადასახადების, რეალიზატორების შიდა გადასახადებისა და სუფთა მოგების მარჟის გათვალისწინებით, თუმცა ჩვენი ქვეყნის საზღვრებთან არსებული მონაცემების გათვალისწინებით, ფასის კომპონენტში საქართველო ნამდვილად არ იმყოფება ყველაზე ცუდ მდგომარეობაში.
ყოველივე ზემოაღნიშნულის გათვალისწინებით, გიორგი ვაშაძის განცხადება წარმოადგენს ნაწილობრივ სიმართლეს, ვინაიდან არ დასტურდება ის ფაქტი, რომ საქართველოს საზღვრამდე ერთი ლიტრის ფასი 1.65 ლარს შეადგენს, თუმცა აღნიშნული ოდენობა თითქმის ორმაგდება საქართველოში არსებული ფასების გათვალისწინებით. აღნიშნული განპირობებულია არამხოლოდ საქართველოს შიდა ფაქტორებისა გათვალისწინებით, არამედ მსოფლიოში არსებული საწვავის ფასების ზრდით.
